ᖃᓄᐃᓕᐅᕆᐊᕐᓂᕐᒧᑦ ᐃᓚᖓ #2 ᐃᒡᓗᓕᐅᕐᓂᖅ
ᒫᓐᓇᑲᐅᑎᒋ ᐃᒡᓗᓕᐅᕐᓂᖅ ᑐᕌᕐᓂᖃᕋᔭᖅᐳᖅ ᐃᓄᒋᐊᓗᐊᕈᓐᓃᕐᓂᕐᒧᑦ.
ᒫᓐᓇᑲᐅᑎᒋ ᖃᓄᐃᓕᐅᕈᑎᒃᓴᑦ
ᓄᓇᕗᒻᒥᑦ ᐃᓄᓐᓄᑦ ᐃᒡᓗᓕᕆᓂᕐᒧᑦ ᖃᓄᐃᓕᐅᕆᐊᕐᓂᕐᒧᑦ ᐸᕐᓇᐅᑎᖓ ᖃᓄᐃᓕᐅᕈᑎᒃᓴᖃᖅᑐᖅ ᐃᒡᓗᓕᐅᕐᓂᕐᒧᑦ ᐊᕕᒃᑐᖅᓯᒪᓂᐅᔪᓕᒫᓂᒃ ᒫᓐᓇᑲᐅᑎᒋ. ᓄᓇᕗᑦ ᐃᒡᓗᓕᐅᖅᑎᒃᑯᑦ ᑯᐊᐳᕇᓴᓐ ᑮᓇᐅᔭᖃᖅᑎᑦᑎᔩᑦ (NCC) ᐋᖅᑭᒃᓱᐃᖃᑎᖃᕋᔭᖅᑐᑦ ᐃᒡᓗᓕᐅᕐᓂᕐᒥᑦ ᑖᒃᑯᓂᖓ ᐊᕕᒃᑐᖅᓯᒪᔪᓂᒃ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓂᒃ. ᐃᒡᓗᓕᐅᕐᓂᖅ ᑐᕌᒐᖃᕐᓂᐊᖅᑐᖅ ᒪᑯᓂᖓ:
1
ᐃᑲᔫᑎᖃᕆᐊᖅᑐᓂᒃ ᐃᒡᓗᓕᐅᖅᑕᐅᔪᑦ
(ᓲᕐᓗ ᐊᖏᕐᕋᖃᙱᑦᑐᒃᑯᕖᑦ, ᐊᑯᓂᐅᔪᒥᒃ ᐸᖅᑭᑕᐅᒋᐊᖃᖅᑐᓄᑦ ᐃᓂᒃᓴᓂᑦ, ᐊᒻᒪ ᐃᓅᓯᓕᕆᓂᕐᒧᑦ ᑐᑦᑕᕐᕕᐅᔪᓂᒃ)
2
ᐊᑭᑭᔾᔫᒥᔪᓂᒃ ᐊᑐᖅᑐᐊᕐᓂᕐᒧᑦ ᐃᒡᓗᒃᓴᓂᑦ

ᐊᕗᖓᐅᔾᔨᒃᑲᓐᓂᖅᑐᑦ ᖃᓄᐃᓕᐅᕈᑎᒃᓴᑦ
ᐃᓄᖕᓄᑦ ᓇᖕᒥᓂᕆᔭᐅᔪᑦ ᐃᒡᓗᓕᐅᕐᓂᕐᒧᑦ ᐊᒻᒪ ᓴᓇᔪᓕᕆᓂᕐᒧᑦ ᑲᒻᐸᓂᐅᔪᑦ ᑳᓐᑐᓛᒃᑖᕋᔭᖅᑐᑦ ᐃᑲᔪᖅᓱᓂᕐᒧᑦ:
ᐱᓕᕆᐊᒃᓴᐅᑉ ᓴᓇᒪᓂᖓ
ᐊᐅᓚᑦᑎᓂᖅ
ᐃᒡᓗᓕᐅᕐᓂᖅ
ᐋᖅᑭᐅᒪᑎᑦᑎᓂᖅ
ᐃᒡᓗᓕᐅᕐᓂᕐᒧᑦ ᖃᓄᐃᓕᐅᕈᑕᐅᔪᑦ ᖃᓄᐃᑦᑑᓂᖏᑦ
ᐱᖓᓲᓕᖅᑲᖓᔪᓂᒃ ᐊᔾᔨᒌᙱᑦᑐᓂᒃ ᐃᒡᓗᓕᐅᕐᓂᕐᒧᑦ ᖃᓄᐃᓕᐅᕈᑎᒃᓴᖅᑕᖃᖅᑐᖅ ᑕᒡᕙᓂ ᓄᓇᕗᒻᒥᑦ ᐃᓄᓐᓄᑦ ᐃᒡᓗᓕᕆᓂᕐᒧᑦ ᖃᓄᐃᓕᐅᕆᐊᕐᓂᕐᒧᑦ ᐸᕐᓇᐅᑎᒥᑦ:
1
ᐱᓕᕆᐊᒃᓴᒥᑦ ᓇᓗᓇᐃᖅᓯᓂᕐᒥᑦ, ᐸᕐᓇᐃᓂᕐᒥᑦ ᐊᒻᒪ ᓴᓇᒪᓂᖓ
ᐱᓕᕆᐊᒃᓴᑦ ᑐᕌᖓᓂᓖᑦ ᓄᓇᓕᐅᑉ ᐊᔪᙱᓐᓂᖃᕐᓂᖓᓄᑦ ᓯᕗᓪᓕᐅᔾᔭᐅᔭᕆᐊᓕᖕᓂᒃ ᐊᒻᒪ ᐱᒻᒪᕆᐅᒋᔭᐅᔪᓂᒃ, ᐊᒻᒪ ᐊᖏᒡᓕᖅᑎᕆᔪᖅ ᐊᑑᑎᖃᑦᑎᐊᕐᓂᖏᓐᓂᒃ.
2
ᐃᒡᓗᓕᐅᕐᓂᖅ
ᓴᓇᒪᓂᖓ, ᑭᓱᖃᕆᐊᖃᕐᓂᖏᓐᓄᓪᓗ ᐸᕐᓇᐃᓂᕐᒥᑦ ᐊᒻᒪ ᓇᑉᐸᖅᑎᕆᓂᕐᒥᑦ ᓄᑖᓂᒃ ᐃᒡᓗᒃᓴᓂᑦ.
3
ᐊᐅᓚᓂᕐᒧᑦ ᐊᒻᒪ ᐋᖅᑭᐅᒪᑎᑦᑎᓂᕐᒧᑦ
ᐃᒡᓗᓕᕆᓂᖅ ᐋᖅᑭᐅᒪᑎᑦᑎᓂᕐᒧᑦ ᐊᒻᒪ ᐱᓕᕆᐊᒃᓴᓂᑦ ᐱᒋᐊᖃᖅᑕᖏᓐᓂᒃ ᐱᑕᖃᕐᓗᓂ ᐃᑲᔪᖅᓱᖅᑕᐅᓂᕐᒧᑦ.
ᒫᓐᓇᑲᐅᑎᒋ ᐃᒡᓗᓕᐅᕐᓂᕐᒧᑦ ᑐᕌᒐᕆᔭᐅᔪᑦ
(0-5 ᐊᕐᕌᒍᑦ)
- ᓴᓇᓗᑎᒃ ᐃᒡᓗᓕᕆᓂᕐᒧᑦ ᐱᓕᕆᐊᒃᓴᒥᑦ ᐊᑐᓂ ᓄᓇᓕᐅᔪᓂ ᐊᕐᕌᖑᑦ ᑕᓪᓕᒪᑦ ᐃᓗᐊᓐᓂ.
- ᐊᖏᕈᑎᖃᕐᓗᑎᒃ ᐃᒡᓗᓕᐅᕐᓂᕐᒥᑦ ᐊᒻᒪ ᐊᐅᓚᑦᑎᓂᕐᒥᑦ ᐊᖏᕐᕋᖃᙱᑦᑐᒃᑯᕕᖕᓂᑦ ᐊᑐᓂ ᓄᓇᓕᐅᔪᓂ ᐊᕐᕌᖑᑦ ᑕᓪᓕᒪᑦ ᐃᓗᐊᓐᓂ.
ᐊᕗᖓᐅᔾᔨᔪᒥᒃ ᐃᒡᓗᓕᐅᕐᓂᕐᒧᑦ ᑐᕌᒐᕆᔭᐅᔪᑦ
(0-25 ᐊᕐᕌᒍᑦ)
- ᐃᓚᒋᐊᕐᓗᒍ ᐊᑐᐃᓐᓇᐅᓂᖓ ᐊᑭᑭᔾᔫᒥᔪᑦ ᐃᒡᓗᒃᓴᑦ.
- ᐃᓚᒋᐊᕐᓗᒍ ᐃᒡᓗᓕᕆᓂᕐᒧᑦ ᐋᖅᑭᐅᒪᑎᑦᑎᓂᕐᒥᑦ ᖃᐅᔨᒪᓂᖃᕐᓂᕐᒥᑦ ᐊᒻᒪ ᐊᔪᙱᓐᓂᖃᕐᓂᕐᒥᑦ ᐃᓄᓐᓂᒃ ᓄᓇᕘᓕᒫᒥᑦ.
ᐃᓄᖕᓄᑦ ᐃᓄᖕᓂᖔᕐᑐᓂ
ᐃᑲᔪᕐᑎᒌᒡᓗᑕ ᐱᓕᕆᔪᓐᓇᕐᑐᒍᑦ ᐃᒡᓗᓕᕆᓂᕐᒧᑦ








