ᖃᓄᐃᓕᐅᕆᐊᕐᓂᕐᒧᑦ ᐃᓚᖓ #3 ᐊᔪᙱᓐᓂᖃᖅᑎᑦᑎᓂᕐᒥᑦ ᐱᕙᓪᓕᐊᑎᑦᑎᓂᕐᒥᑦt
ᑲᒪᒋᔭᖃᕐᓂᕐᒥᑦ ᐃᒡᓗᑭᒃᓴᓗᐊᓪᓚᕆᖕᓂᖏᓐᓄᑦ ᐊᖏᓂᖅᓴᐅᕗᖅ ᐃᒡᓗᕐᔪᐊᓕᐅᙱᑐᐃᓐᓇᕐᓗᑎᒃ. ᐱᑕᖃᕐᓂᖅᓴᐅᒋᐊᓕᒃ ᖃᐅᔨᒪᓂᖃᖅᑐᓂᒃ ᐊᒻᒪ ᐊᔪᙱᓐᓂᖃᖅᑐᓂᒃ ᓴᓇᒪᓂᖏᓐᓄᑦ, ᐸᕐᓇᓂᕐᒧᑦ, ᐃᑲᔪᖅᓱᓂᕐᒧᑦ, ᐊᒻᒪ ᐊᐅᓚᑦᑎᓂᕐᒥᑦ ᐃᒡᓗᓕᕆᓂᕐᒥᑦ ᓄᓇᕗᒻᒥᐅᑕᓄᑦ ᐃᓄᓐᓄᑦ ᐱᔭᐅᒍᒪᔪᓂᒃ.
ᓄᓇᕗᒻᒥᑦ ᐃᓄᓐᓄᑦ ᐃᒡᓗᓕᕆᓂᕐᒧᑦ ᖃᓄᐃᓕᐅᕆᐊᕐᓂᕐᒧᑦ ᐸᕐᓇᐅᑎᖓ ᖃᓄᐃᓕᐅᕈᑎᒃᓴᖃᖅᐳᖅ ᐱᕈᐃᓂᕐᒥᑦ ᓄᓇᓕᖕᓂᑦ, ᓇᖕᒥᓂᕆᔭᐅᔪᓂᒃ, ᐊᒻᒪ ᐃᓛᒃᑰᖓᔪᓂᒃ ᐊᔪᙱᓐᓂᖃᖅᑎᑦᑎᓂᕐᒧᑦ.
ᒫᓐᓇᑲᐅᑎᒋ ᐊᔪᙱᓐᓂᖃᖅᑎᑦᑎᓂᕐᒥᑦ ᐱᕙᓪᓕᐊᑎᑦᑎᓂᕐᒥᑦ
(0-5 ᐊᕐᕌᒍᑦ)
- ᐊᒥᓱᓛᑦᑎᐊᓂᒃ ᐃᓄᖕᓂᒃ ᐃᖅᑲᓇᐃᔭᖅᑎᖃᕐᓗᑎᒃ ᐊᔪᙱᓐᓂᓕᒫᖏᓐᓂᒃ ᓄᓇᕗᒻᒥᑦ ᐃᓄᓐᓄᑦ ᐃᒡᓗᓕᕆᓂᕐᒧᑦ ᖃᓄᐃᓕᐅᕆᐊᕐᓂᕐᒧᑦ ᐸᕐᓇᐅᑎᐅᑉ ᐱᓕᕆᐊᒃᓴᖏᓐᓂᒃ ᐊᑐᕐᓗᑎᒃ ᐊᑐᖅᑕᐅᕙᒌᖅᑐᓂᒃ ᐃᖅᑲᓇᐃᔮᓄᑦ ᐊᒻᒪ ᐱᓕᒻᒪᒃᓴᐃᓂᕐᒧᑦ ᐱᓕᕆᐊᒃᓴᓂᑦ.
- ᖃᐅᔨᒪᑦᑎᐊᕆᐊᕐᓗᑎᒃ ᐃᓄᐃᑦ ᐊᒻᒪ ᐊᔪᙱᓐᓂᖃᕆᐊᖃᕐᓂᖏᑦ ᐊᑐᓕᖅᑎᑦᑎᓂᕐᒥᑦ ᓄᓇᕗᒻᒥᑦ ᐃᓄᓐᓄᑦ ᐃᒡᓗᓕᕆᓂᕐᒧᑦ ᖃᓄᐃᓕᐅᕆᐊᕐᓂᕐᒧᑦ ᐸᕐᓇᐅᑎᒥᑦ ᐊᑐᐃᓐᓇᐅᒐᓗᐊᕐᒪᖔᑦᑕ.
- ᐃᓚᓕᐅᔾᔨᓗᑎᒃ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ ᓄᓇᕗᒻᒥᑦ ᐃᓄᓐᓄᑦ ᐃᒡᓗᓕᕆᓂᕐᒧᑦ ᖃᓄᐃᓕᐅᕆᐊᕐᓂᕐᒧᑦ ᐸᕐᓇᐅᑎᖓᑕ ᐱᓕᕆᐊᒃᓴᖏᓐᓄᑦ ᑕᒡᕘᓇ ᓄᓇᓕᖕᓂᑦ ᐸᕐᓇᐃᓂᒃᑯᑦ ᐊᒻᒪ ᓄᓇᒥᑦ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐅᔪᓂᒃ.
ᐊᕗᖓᐅᔾᔨᔪᒥᒃ ᐊᔪᙱᓐᓂᖃᖅᑎᑦᑎᓂᕐᒥᑦ ᐱᕙᓪᓕᐊᑎᑦᑎᓂᕐᒥᑦ ᑐᕌᒐᕆᔭᐅᔪᑦ
(0-25 ᐊᕐᕌᒍᑦ)
- ᐃᓚᒋᐊᕐᓗᒍ ᖃᑦᑎᐅᓂᖏᑦ ᐃᓄᐃᑦ ᐃᖅᑲᓇᐃᔭᖅᑐᑦ ᐃᒡᓗᐃᑦ ᓴᓇᒪᓂᖏᓐᓄᑦ, ᐃᒡᓗᓕᐅᕐᓂᕐᒧᑦ, ᐊᒻᒪ ᐋᖅᑭᐅᒪᑎᑦᑎᓂᕐᒧᑦ ᐊᒻᒪ ᐱᓕᕆᐊᒃᓴᓂᑦ ᐃᑲᔪᖅᓱᖅᑐᓂᒃ ᐃᒡᓗᓕᕆᓂᕐᒥᑦ.
- ᐃᓚᒋᐊᕐᓗᒍ ᐊᑐᐃᓐᓇᐅᓂᖓ ᐱᓕᕆᐊᖑᕙᒌᖅᓯᒪᔪᖅ ᓄᓇᒃᓴᖅ.
- ᐊᒥᓲᓂᖅᐹᖑᑎᒋᐊᕐᓗᒋᑦ ᖃᑦᑎᐅᓂᖏᑦ ᐃᓄᐃᑦ ᓇᖕᒥᓂᖁᑎᖏᑦ ᐱᖃᑕᐅᔪᑦ ᐸᕐᓇᐃᓂᕐᒧᑦ, ᐱᓕᕆᓂᕐᒧᑦ ᐊᒻᒪ ᐊᐅᓚᑦᑎᓂᕐᒧᑦ ᓄᓇᕗᒻᒥᑦ ᐃᓄᓐᓄᑦ ᐃᒡᓗᓕᕆᓂᕐᒧᑦ ᖃᓄᐃᓕᐅᕆᐊᕐᓂᕐᒧᑦ ᐸᕐᓇᐅᑎᐅᑉ ᐱᓕᕆᐊᒃᓴᖏᓐᓂᒃ ᐊᒻᒪ ᖃᓄᐃᓕᐅᕈᑕᐅᔪᓂᒃ.
- ᐊᑐᕐᓂᖅᓴᐅᓗᑎᒃ ᒪᑭᒪᑦᑎᐊᕈᑕᐅᔪᓂᒃ ᐃᒡᓗᕐᔪᐊᑦ ᓴᓇᒪᓂᖏᓐᓄᑦ ᐊᒻᒪ ᓱᓇᒃᑯᑖᖏᓐᓂᒃ.
- ᐃᓚᒋᐊᕐᓗᒍ ᐃᒡᓗᓂᒃ ᐋᖅᑭᐅᒪᑎᑦᑎᓂᕐᒥᑦ ᐊᒻᒪ ᓇᖕᒥᓂᖃᕐᓂᕐᒧᑦ ᖃᐅᔨᒪᓂᖃᕐᓂᕐᒥᑦ ᐊᒻᒪ ᐊᔪᙱᓐᓂᖃᕐᓂᕐᒥᑦ ᐃᓄᓐᓂᒃ ᓄᓇᓕᓕᒫᓂᑦ.
ᐃᓄᖕᓄᑦ ᐃᓄᖕᓂᖔᕐᑐᓂ
ᐃᑲᔪᕐᑎᒌᒡᓗᑕ ᐱᓕᕆᔪᓐᓇᕐᑐᒍᑦ ᐃᒡᓗᓕᕆᓂᕐᒧᑦ
