ᓄᓇᕗᒻᒥ ᐃᓄᒻᒪᕇᑦ ᐃᒡᓗᓕᐅᖅᑕᐅᓂᖏᖕᓄᑦ ᖃᓄᐃᓕᐅᕈᑎᖃᕆᐊᕐᓂᖅ ᐸᕐᓇᐅᑎᖓ ᖃᓄᐃᓕᐅᕐᓂᖃᕋᔭᕐᒪᑦ?
ᓄᓇᕗᒻᒥ ᐃᓄᒻᒪᕇᑦ ᐃᒡᓗᓕᐅᖅᑕᐅᓂᖏᖕᓄᑦ ᖃᓄᐃᓕᐅᕈᑎᖃᕆᐊᕐᓂᖅ ᐸᕐᓇᐅᑎᖓ ᐃᑲᔪᖅᑐᐃᓂᓕᒃ ᓴᙱᔪᒃᑯᑦ ᐃᖅᑲᓇᐃᔭᖃᑎᖃᕈᑎᒋᔭᐅᒐᔭᕐᓂᖓᓂᒃ ᐱᐅᓯᕚᓪᓕᖁᓪᓗᒍ ᐃᒡᓗᖃᕐᓂᖅ ᓄᓇᕗᒻᒥ ᐃᓄᒻᒪᕆᖏᖕᓄᑦ ᐃᖅᑲᓇᐃᔭᖃᑎᒌᓐᓂᖏᑎᒍᑦ.
ᓄᓇᕗᒻᒥ ᐃᓄᒻᒪᕇᑦ ᐃᒡᓗᓕᐅᖅᑕᐅᓂᖏᖕᓄᑦ ᖃᓄᐃᓕᐅᕈᑎᖃᕆᐊᕐᓂᖅ ᐸᕐᓇᐅᑎᖓ ᐋᖅᑮᓂᖃᖅᑎᑦᑎᒐᔭᖅᑐᖅ ᓄᑖᕐᒥᒃ ᐃᓄᐃᑦ ᐃᒡᓗᓕᕆᓂᕐᒧᑦ ᑎᒥᖓᓂᒃ ᖃᐅᔨᒪᓇᑦᑎᐊᖁᓪᓗᒍ ᓄᓇᕗᒻᒥ ᐃᓄᒻᒪᕇᑦ ᐃᒡᓗᓕᐅᖅᑕᐅᓂᖏᖕᓄᑦ ᖃᓄᐃᓕᐅᕈᑎᖃᕆᐊᕐᓂᖅ ᐸᕐᓇᐅᑎᖓ ᖃᓄᐃᓕᐅᕈᑎᒋᔭᐅᓂᖏᑦ ᐅᐸᓗᖓᐃᔭᑦᑎᐊᖅᓯᒪᒐᓗᐊᕐᒪᖔᑕ ᐃᖅᑲᓇᐃᔭᖃᑎᒋᔭᐅᓂᖏᖕᓂᒃ ᒐᕙᒪᒃᑯᑦ ᐊᒻᒪᓗ ᑎᒥᐅᔪᑦ.
ᐱᓕᕆᖃᑎᒌᖕᓂᖅ
ᓄᑖᖅ ᐃᓄᐃᑦ ᐃᒡᓗᓕᕆᓂᕐᒧᑦ ᑎᒥᖓ ᖃᐅᔨᒪᑦᑎᐊᖅᑎᑦᑎᓂᖃᕐᓂᐊᕐᒥᔪᖅ ᑮᓇᐅᔭᑦ ᐊᑐᖅᑕᐅᒐᓗᐊᕐᒪᖔᑕ ᐱᐅᓛᒃᑯᑦ ᐃᒡᓗᓕᕆᓂᖅ ᐱᐅᓯᕚᓪᓕᖁᓪᓗᒍ ᐃᓄᒻᒪᕆᖕᓄᑦ. ᓄᓇᓕᒻᒥᐅᑦ, ᓄᓇᓖᑦ ᒐᕙᒪᖏᑦ, ᓄᓇᕗᑦ ᒐᕙᒪᖏᑦ ᐊᒻᒪᓗ ᑲᓇᑕᒥ ᒐᕙᒪᖏᑦ ᐱᒻᒪᕆᐅᓪᓗᑎᑦ ᐱᓕᕆᖃᑎᒋᔭᐅᖃᑦᑕᖅᑐᑦ.
ᖃᓄᖅ ᓄᓇᕗᒻᒥ ᐃᓄᒻᒪᕇᑦ ᐃᒡᓗᓕᐅᖅᑕᐅᓂᖏᖕᓄᑦ ᖃᓄᐃᓕᐅᕈᑎᖃᕆᐊᕐᓂᖅ ᐸᕐᓇᐅᑎᖓ ᐋᖅᑭᒃᓱᖅᑕᐅᓐᓂᕐᒪᖔᖅ
ᖃᐅᔨᓴᖃᑦᑕᖅᓱᑎᑦ ᐊᒻᒪᓗ ᐅᖃᖃᑎᖃᖃᑦᑕᖅᓱᑕ ᓄᓇᕗᒻᒥ ᐃᓄᐃᑦ ᑲᑐᔾᔨᖃᑎᒌᖏᖕᓂᒃ ᑲᑎᑕᐅᓂᖃᓚᐅᖅᓯᒪᔪᑦ ᐱᐅᓛᑦ ᐃᓱᒪᒋᔭᐅᓯᒪᔪᑦ ᑲᒪᒋᔭᐅᖁᓪᓗᒍ ᐃᒡᓗᑭᒃᓴᕐᓂᐊᓘᕙᑦᑐᖅ. ᐃᑲᔫᑎᖃᓛᑦ ᐸᕐᓇᐅᑎᒧᑦ ᐅᑯᐊᖑᓯᒪᕗᑦ:
ᐊᕕᑦᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᑦ
ᒪᑭᒋᐊᖅᑕ
ᐊᑐᖅᑐᐊᕐᕕᒃ ᑯᐊᐳᕇᓴᓐ
ᓄᓇᓯ ᑯᐊᐳᕇᓴᓐ
ᓄᓇᕗᑦ ᑐᙵᕕᒃ
ᐊᕕᑦᑐᖅᓯᒪᔪᓂ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᙱᑦ
ᓄᓇᕗᒻᒥ ᓴᓇᔪᓕᕆᔨᒃᑯᑦ ᑯᐊᐳᕇᓴᙵ ᑮᓇᐅᔭᓕᐅᕋᓱᐊᖅᑏᑦ ᑎᒥᖓ
ᓄᓇᕗᒻᒥ ᐃᓄᒻᒪᕇᑦ ᐃᒡᓗᓕᐅᖅᑕᐅᓂᖏᖕᓄᑦ ᖃᓄᐃᓕᐅᕈᑎᖃᕆᐊᕐᓂᖅ ᐸᕐᓇᐅᑎᖓ – ᖃᓄᐃᓕᐅᕈᑎᖃᕐᕕᒋᔭᐅᔪᑦ
1
ᒪᑭᒪᔪᓐᓇᖅᓯᕙᓪᓕᐊᓂᖅ
ᐊᑐᓂ ᐃᓄᐃᑦ, ᓄᓇᓖᑦ ᐊᒻᒪᓗ ᓇᖕᒥᓂᖁᑎᓖᑦ ᒪᑭᒪᔪᓐᓇᖅᓯᖁᓪᓗᒋᑦ ᑎᑎᖅᑐᒐᐅᔭᖅᑐᖃᕐᓂᐊᕐᒪᑦ, ᐊᐅᓚᑦᓯᓗᑎᑦ, ᐱᓗᑎᑦ, ᐊᒻᒪᓗ ᐋᖅᑭᐅᒪᑎᑦᑎᓗᑎᑦ ᐃᒡᓗᓂᑦ ᐊᒻᒪᓗ ᐃᒡᓗᓕᕆᓂᕐᒧᑦ ᐱᔨᑦᓯᕋᕈᑎᓂᒃ ᓄᓇᕗᒻᒥᐅᑦ ᐃᓄᒻᒪᕆᖏᑦᑕ ᐱᔭᕆᐊᓕᖏᑦ ᐊᑐᐃᓐᓇᐅᒪᕕᐅᖁᓪᓗᒋᑦ.
2
ᑮᓇᐅᔭᓂᒃ ᐊᑐᖅᑐᖃᕐᓗᓂ
ᑮᓇᐅᔭᖅᑖᕐᓗᑎᑦ ᐊᒻᒪᓗ ᐊᐅᓚᑦᓯᓗᑎᑦ ᑮᓇᐅᔭᓂᒃ ᐃᒡᓗᓕᕆᓂᕐᒥᒃ ᖃᓄᐃᓕᐅᕈᑎᖃᕆᐊᖅᑐᖃᕐᓂᐊᕐᒪᑦ
3
ᓴᓇᔭᐅᓂᖓ
ᐸᕐᓇᒃᑐᑦ, ᓴᓇᔪᑦ, ᐊᐅᓚᑦᓯᔪᑦ, ᐊᒻᒪᓗ ᐋᖅᑭᐅᒪᑎᑦᑎᓗᑎᑦ ᓄᑖᕐᓂᒃ ᐃᒡᓗᓂᑦ
ᖃᐅᔨᓴᕐᓂᖅ ᐱᕐᔪᐊᕌᓘᕗᖅ ᑕᒪᐃᓐᓂ ᖃᓄᐃᓕᐅᕈᑎᖃᕐᕕᐅᓂᐊᖅᑐᓂᒃ.
ᐃᓄᖕᓄᑦ ᐃᓄᖕᓂᖔᕐᑐᓂ
ᐃᑲᔪᕐᑎᒌᒡᓗᑕ ᐱᓕᕆᔪᓐᓇᕐᑐᒍᑦ ᐃᒡᓗᓕᕆᓂᕐᒧᑦ
