ᒪᑭᒪᔪᓐᓇᓕᕐᓂᕐᒧᑦ ᖃᓄᐃᓕᐅᕈᑎᒋᔭᐅᓂᖓ 1
ᑲᒪᒋᔭᐅᓗᓂ ᐃᒡᓗᑭᒃᓴᕐᓂᖅ ᓄᑖᕐᓂᒃ ᐃᒡᓗᑖᑐᐃᓐᓇᕆᐊᕈᑎᒋᔭᐅᔭᕆᐊᖃᙱᓚᖅ. ᖃᐅᔨᒪᓂᖅᓴᐅᔭᕆᐊᓖᑦ ᐊᒻᒪᓗ ᐊᔪᙱᓐᓂᖅᓴᐅᓗᑎᑦ ᑎᑎᖅᑐᒐᐅᔭᕐᓗᑎᑦ, ᐸᕐᓇᓪᓗᑎᑦ, ᐃᑲᔪᖅᑐᖅᑕᐅᓗᓂ, ᐊᒻᒪᓗ ᐊᐅᓚᑕᐅᓗᓂ ᐃᒡᓗᓕᕆᓂᖅ ᓄᓇᕗᒻᒥᐅᑦ ᐃᓄᒻᒪᕆᖏᑦ ᐱᔪᒪᔭᖏᓐᓂ.
ᓄᓇᕗᒻᒥ ᐃᓄᒻᒪᕇᑦ ᐃᒡᓗᓕᐅᖅᑕᐅᓂᖏᖕᓄᑦ ᖃᓄᐃᓕᐅᕈᑎᖃᕆᐊᕐᓂᖅ ᐸᕐᓇᐅᑎᖓ ᐱᖃᓯᐅᔾᔨᔪᖅ ᖃᓄᐃᓕᐅᕈᑎᒃᓴᓂᒃ ᐱᕈᖅᐸᓪᓕᐊᖁᓪᓗᒋᑦ ᓄᓇᓖᑦ, ᓇᖕᒥᓂᖁᑎᒋᔭᐅᔪᑦ, ᐊᒻᒪᓗ ᐃᓄᐃᑦ ᒪᑭᒪᔪᓐᓇᓕᖁᓪᓗᒋᑦ.
ᒪᑭᒪᔪᓐᓇᓕᑲᐅᑎᒋᔪᓐᓇᕐᓂᕐᒧᑦ ᑎᑭᑕᐅᓇᓱᐊᖅᑐᑦ
(0-5 ᐊᕐᕌᒍᑦ)
- ᐃᖅᑲᓇᐃᔭᖅᑎᑖᕈᓐᓇᕐᓂᓕᒫᖏᖕᓂᒃ ᐊᒥᓱᓂᒃ ᐃᓄᒻᒪᕆᖕᓂᒃ ᐃᖅᑲᓇᐃᔭᖅᑎᓂᒃ ᐃᖅᑲᓇᐃᔭᖅᑎᑖᕐᓗᑕ ᑖᔅᓱᒧᖓ ᓄᓇᕗᒻᒥ ᐃᓄᒻᒪᕇᑦ ᐃᒡᓗᓕᐅᖅᑕᐅᓂᖏᖕᓄᑦ ᖃᓄᐃᓕᐅᕈᑎᖃᕆᐊᕐᓂᖅ ᐸᕐᓇᐅᑎᖓᑕ ᐱᓕᕆᐊᖑᓂᖓᓄᑦ ᐊᑐᕐᓗᑎᑦ ᐅᓪᓗᒥᐅᔪᖅ ᐃᖅᑲᓇᐃᔮᕆᔭᐅᔪᑦ ᐊᒻᒪᓗ ᐱᓕᒻᒪᒃᓴᐃᕐᓂᑦᒧ ᐱᓕᕆᐊᑦ.
- ᖃᐅᔨᒪᑦᑎᐊᕐᓗᑎᑦ ᐃᓄᐃᑦ ᐊᒻᒪᓗ ᐊᔪᙱᓐᓂᕆᔭᐅᔪᑦ ᐱᔭᐅᔭᕆᐊᓖᑦ ᐊᑐᓕᖅᑎᑕᐅᖁᓪᓗᒍ ᓄᓇᕗᒻᒥ ᐃᓄᒻᒪᕇᑦ ᐃᒡᓗᓕᐅᖅᑕᐅᓂᖏᖕᓄᑦ ᖃᓄᐃᓕᐅᕈᑎᖃᕆᐊᕐᓂᖅ ᐸᕐᓇᐅᑎᖓ ᐊᑐᐃᓐᓇᐅᒪᒐᓗᐊᕐᒪᖔᑦ.
- ᐱᖃᓯᐅᑎᓗᒋᑦ ᐃᓄᒻᒪᕇᑦ ᑐᙵᕕᖏᑦ ᓄᓇᕗᒻᒥ ᐃᓄᒻᒪᕇᑦ ᐃᒡᓗᓕᐅᖅᑕᐅᓂᖏᖕᓄᑦ ᖃᓄᐃᓕᐅᕈᑎᖃᕆᐊᕐᓂᖅ ᐸᕐᓇᐅᑎᖓᑕ ᐱᓕᕆᐊᕆᔭᐅᓂᖏᑦ ᓄᓇᓕᓐᓂ ᐸᕐᓇᐅᑎᓕᐅᕐᓂᖏᑎᒍᑦ ᐊᒻᒪᓗ ᐱᕙᓪᓕᐊᔪᖃᕐᓗᓂ.
ᐊᑯᓂᐅᔪᒧᑦ ᒪᑭᒪᔪᓐᓇᓕᕐᓂᖏᑦ ᑎᑭᑕᐅᓇᓱᐊᖅᑐᑦ
(0-25 ᐊᕐᕌᒍᑦ)
- ᐊᒥᓱᕈᕆᐊᕐᓗᒋᑦ ᐊᒥᓲᓂᖏᑦ ᐃᓄᒻᒪᕇᑦ ᐃᖅᑲᓇᐃᔭᖅᑐᑦ ᐃᒡᓗᒥ ᑎᑎᖅᑐᒐᐅᔭᕐᓂᕐᒧᑦ, ᓴᓇᔪᑦ, ᐊᒻᒪᓗ ᐋᖅᑭᐅᒪᑎᑦᑎᔪᑦ ᐊᒻᒪᓗ ᐱᓕᕆᐊᑦ ᐃᑲᔪᖅᑐᐃᓂᖃᐅᖅᑐᑦ ᐃᒡᓗᓕᐅᕐᓂᕐᒥᒃ.
- ᐊᒥᓱᕈᕆᐊᖅᑎᑕᐅᓗᑎᑦ ᐊᒥᓲᓂᖃᕈᓐᓇᕐᓂᖏᑦ ᓄᓇᐃᑦ ᐃᒡᓗᓕᐅᕐᕕᐅᔪᓐᓇᖅᑐᑦ.
- ᐊᒥᓲᓂᖏᑦ ᐃᓄᒻᒪᕇᑦ ᓇᖕᒥᓂᖁᑎᓖᑦ ᐃᓚᐅᖃᑕᐅᑎᓛᕆᓗᒋᑦ ᐸᕐᓇᓐᓂᕐᒥᒃ, ᑲᒪᒋᔭᖃᕐᓗᑎᑦ, ᐊᒻᒪᓗ ᐊᐅᓚᑦᓯᓂᕐᒥᒃ.
ᓄᓇᕗᒻᒥ ᐃᓄᒻᒪᕇᑦ ᐃᒡᓗᓕᐅᖅᑕᐅᓂᖏᖕᓄᑦ ᖃᓄᐃᓕᐅᕈᑎᖃᕆᐊᕐᓂᖅ ᐸᕐᓇᐅᑎᖓᓂᒃ ᐱᓕᕆᐊᖃᕈᑎᒋᔭᐅᔪᑦ ᐊᒻᒪᓗ ᖃᓄᐃᓕᐅᕈᑎᒋᔭᐅᔪᑦ
ᐊᑐᕐᓂᖅᓴᐅᓗᑎᑦ ᒪᑭᒪᑎᒐᒃᓴᑦ ᐃᒡᓗᐃᑦ ᑎᑎᖅᑐᒐᐅᔭᖅᑕᐅᔾᔪᑎᖏᖕᓂᒃ ᐊᒻᒪᓗ ᐃᒡᓗᒃᓴᓂᑦ.
ᐊᖏᕐᕋᒥ ᐋᖅᑭᐅᒪᑎᑦᑎᓂᕐᒧᑦ ᓇᖕᒥᓂᖃᕐᓂᕐᒧᓪᓗ ᖃᐅᔨᒪᓂᖅᓴᐅᓕᖅᑎᑦᑎᓗᑕ ᐊᒻᒪᓗ ᐊᔪᙱᓐᓂᖅᓴᐅᒃᑲᓕᕐᓗᒋᑦ ᐃᓄᒻᒪᕇᑦ ᑕᒪᐃᓐᓂ ᓄᓇᓕᓐᓂ.
ᐃᓄᖕᓄᑦ ᐃᓄᖕᓂᖔᕐᑐᓂ
ᐃᑲᔪᕐᑎᒌᒡᓗᑕ ᐱᓕᕆᔪᓐᓇᕐᑐᒍᑦ ᐃᒡᓗᓕᕆᓂᕐᒧᑦ
